Dossier

Vaomieran’ny statistikan’ny Firenena Mikambana Hitondra tombontsoa lehibe ho an’i Madagasikara

Dossier
Alarobia 22 Mey 2019

Tamin’ny taona 1947 no niforonan’ny vaomieran’ny statistikan’ny Firenena Mikambana ary ao avokoa ireo manampahaizana momba ny Statistika avy amin’ny firenena maneran-tany.

Sambany tamin’ny tantaran’i Madagasikara no tafiditra ao amin’io kaomisionina izay ananana tombony ara-toekarena io. Anisany ny fahafantarana antsika eo anivon’ny sehatra iraisam-pirenena amin’ny ara-barotra sy toekarena, indrindra ny statistika. Taorian’ny fanapahan-kevitra nandritra ny filankevitry ny firenena mikambana tany New York ny 7 mey lasa teo dia nomena an’i Madagasikara ny fahafahana miditra ao amin’io vaomieran’ny statistika izay sahanin’ny INSTAT io. Hanomboka ny 1 janoary 2020 ny fitantanana azy ary haharitra 4 taona. Hanaraka ny fenitra iraisam-pirenena ny amin’ny fikirakirana antontan’isa isika ary ho mora kokoa aminy ny hampiakatra ny dosieny eny amin’ny firenena mikambana amin’ny lafiny famatsiam-bola sy ny sehatra fampandrosoana ara-toekarena.

Tsirinasolo