Dossier

UNICEF Madagascar Michel Saint-Lot indray no hitarika azy

Dossier
Alakamisy 23 Aogositra 2018

Taorian’ny tahirimbola iraisam-pirenena dia tonga nampahafantatra ny taratasy fanirahana (lettre de créance) azy ihany koa ny solontena vaovaon’ny famatsiam-bolan’ny

 firenena mikambana ho an’ny ankizy (UNICEF). Omaly alarobia 22 aogositra no tonga tetsy amin’ny minisiteran’ny Raharaham-bahiny Andriamatoa Michel Saint-Lot ary nilaza fa handray ny andraikiny avy hatrany. Manampahaizana manokana momba ny maritrano sy ny génie civil  ary nivoaka tany amin’ny oniversite Haiti izy. Ankoatr’izay dia efa nitazona andraikitra ambony tamin’ny asam-panjakana sy tsy miankina tany Haiti ary indrindra tao amin’ny UNICEF nandritra ny 20 taona talohan’izao nahavoatendry azy hiasa eto Madagasikara izao. Tsiahivina fa nandritra ny dimy taona farany dia nanampy ireo ankizy manerana ny firenena ny UNICEF. Eo ihany koa ny fiahiana ireo ankizy voailikilika, indrindra ny tany amin’ny faritra Atsimo. Nanome fanampiana  hatrany ihany koa ny UNICEF nandritra ireny rivodoza sy ny valanaretina nandalo teto amin’ny firenena ireny.