Dossier

Tetikasa e-paiement Hamaha ny olan’ny mpiasam-panjakana

Dossier
Zoma 28 Jona 2019

Hotanterahina amin'ity taona ity ny tetikasa e-paiement mba hanamavainana ny fahasahiranan'ny mpiasam-panjakana. Fandoavam-bola amin'ny alalan'ny aterineto sy ny finday atao ary efa eo am-pamolavolana izany ny avy ao amin'ny minisiteran'ny toekarena sy ny fitantanam-bola.

Eo ihany koa ny fampiasana karatra izay ahafahan’ireo mpiasam-panjakana maka ny karamany eny amin'ny distributeur automatique. Hohavaozina hanaraka ny teknolojia ny rafi-pitantanana eny anivon'ny minisitera rehetra ka hisy mihitsy ny fametrahana rindran-kajy hahafahana mifehy sy manara-maso ny fandaniam-bola. Hovahana ihany koa ny olana mampijaly tahaka ny filaharam-be hita eny amin'ireo toerana fangalana fisotroan-dronono sy fandraisan-karama isam-bolana. Etsy an-kilany dia ahafahana miala amin’ny sinto-mahery izay mateti-pitranga ity tetikasa e-paiement ity rehefa mandray vola ny mpiasa na ireo efa misotro ronono.

Tsirinasolo