Dossier

Raharaha Ambohitrimanjaka « Tsy tokony hila ady amin’ny vahoaka ny fitondrana »

Dossier
Zoma 11 Oktobra 2019

Nahitsy ny teny nambaran’ny sekretera jeneralin’ny antoko Vahoaka Miray na VAMI, fa tokony hitady toerana hafa hananganana ilay tetikasa Tanamasoandro ny fanjakana,

fa tsy hila ady amin’ny vahoakan’Ambohitrimanjaka, hoy i Gaby Vakinadina. Nambarany fa tsy tokony hatao eny Ambohitramanjaka mihitsy, izay misy ny fiveloman’ny mponina ana hetsiny no hanaovana io tetikasa io, fa maro ireo tamponketsa sy taningazana midadasika no hanorenana io fotondrafitrasan’ny filohampirenena io. Mba mitadiava tany be velarana hafa hanaovana io Tanamasoandro io fa tsy ny tanimbarin’olona sy ny tanimboly izay foto-piveloman’ny mponina mihitsy no hosimbana sy hototofana hanaovana io fotodrafitrasa haingitraingitra io, hoy hatrany ny fanazavany. Manimba ny fiainan’ny mponina maro sy ny fivelomamany no ataon’izao fitondrana izao. Nanao antso avo amin’ny vahoakan’Ambohitrimanjaka, Ambohidrapeto, Ambohidratrimo, Zaivola, izay toerana voakasiky ny tetikasa ity sekretera jeneralin’ny antoko ity, fa « arovy ny taninareo ary aza manaiky lembenana amin’ny famotehana ny fivelomanareo, fa mijoroa hatrany, fa maro ireo tsy mankasitraka ny fakana tany sy fanotofana izany no ao ambadikanareo, mijoro hatrany », hoy izy tamin’ny teny hentitra.

Sitraka r.