Dossier

Plan Emergence Madagascar Hampiasaina mandritra ny 5 taona

Dossier
Alarobia 29 Mey 2019

Nisy ny atrikasa fifanakalozan-kevitra nokarakarain’ny minisiteran’ny toekarena sy ny fitantanam-bola omaly teny amin’ny Carlton Anosy izay haharitra 2 andro.

Tanjona ny hametrahana paikady vaovao mifanaraka amin’ny filan’ny firenena izay entina hampandrosoana an’i Madagasikara. Napetraka, araka izany, ny Plan Emergence Madagascar (PEM) izay famadihana ny vinan’ny filoham-pirenena ho asa mivaingana. Nofantarina sy nitadiavana vahaolana amin’ity atrikasa ity ireo sakana tsy nampandroso ny firenena hatramin’izay. Ity PEM ity no nanoloana ny Drafitra Nasionaly ho an’ny Fampandrosoana (PND) ary ampiasaina mandritra ny 5 taona. Zavatra maro no mbola mila dinihina mialoha ny tena handrafetana ity drafitra vaovao ity. Nanambara ny minisitry ny toekarena sy ny fitantanam-bola, Richard Randriamandranto fa tsy ho sarotra ny fanatanterahana io PEM io ary havoaka amin’ny volana jona.

Tsirinasolo