Dossier

Partagé sur :
• facebook

Ny taona 2012 tamin’ny andron’ny tetezamita no nahazo alalana hitrandraka harena ankibon’ny tany eto amintsika ny orinasa Toliara Sands, mitrandraka fasimainty.

 Ny fanjakana tetezamita notarihin-dRajoelina no nanao ny fifanarahana sy nanome fahazoan-dalana, ary nanomboka ny 2012 ny fikarohana samihafa. Ny taona 2015 kosa no nivoaka ny fahazoan-dalana ara-tontolo iainana. Ry Andry Rajoelina sy ny ekipany izany no nandray ny volabe, toy izay efa natao tamin’ny orinasa Wisco nitrandraka vy tany Soalala raha dinihina ny tantara. 20 taona, ary mety azo hitarina hatrany amin’ny 60 taona ny fifanarahana ka mahatratra 600.000 taonina isan-taona ny tanjona amin’ny fasimainty novinavinaina ho azo, ary 65.000 taonina kosa ny Zircon/rutile. Lesoka voalohany tamin’ity raharaha ity hatrany am-piandohana ny fanjakana tsy voafidim-bahoaka fa nanongam-panjakana no nanao fifanarahana goavana mikitikitika ny harem-pirenena. Tsy manan-jo hanao izany velively ny mpanogam-panjakana, saingy nataony satria volabe io. Iaraha-mahalala anefa ny gidragidra sy fanoheran’ny mponina azy amin’izao fotoana izao, izay niafara tamin’ny fidinana an-dalambe mihitsy, ary olom-boafidy mihitsy no mitarika. Tsy manaiky lembenana satria ankoatra ny adihevitra ara-tsiantifika momba ny akora voalaza fa mety hitera-doza, dia eo ihany koa ny resaka fahapotehana tsy roa aman-tany, raha ny ambaran’ny mponina, toy ny fitrongisana ny alana Baobab,… Efa nandray vola be tamin’io ihany koa ve ny fanjakana HVM ka toa tsy afa-manoatra sy mihainohaino fotsiny ?

Toky R

Tia Tanindrazana

Samia mijoro ho an'i Gasikara.