Dossier

Partagé sur :
• facebook

Maro ireo dosie mafampana hotsaraina eo anivon’ny PAC na “Pôle Anti-Corruption” tsy ho ela.

Efa nandray fepetra manoloana izany ireo mpitsara sy ny mpitandro ny filaminana, ka ho hentitra noho izany ny fitandroana ny filaminana sy ny fanaraha-maso ireo mpanatrika, mba tsy hisian’ny korontana sy ny mety tsy ho filaminana. Dieny izao, dia ho hentitra ny vovonana iray miady amin’ny kolikoly ity, amin’ireo fitsarana ireo antontan-taratasy maro, indrindra fa ireo dosie lehibe hotsaraina ao amin’ny PAC, mandra-pahatonga ny faran’ny taona. Tsiahivana, hoy ny mpampanoa lalàna eo anivon’ity rafitra miady amin’ny kolikoly ity, Atoa Solofohery  Razafindrakoto  fa mahatratra 70 ireo antontan-taratasy voaray, ka ezahina hotsaraina amin’ity taona ity avokoa ireo. Ny 19 ka hatramin’ny 27 novambra  ho avy izao, dia antontan-taratasy 13 no hotsaraina ary olona 38 voapanga no tsaraina. Heloka bevava toy ny fanodinkodinam-bolam-panjakana, fanondranana  harem-pirenena sy olona mankany ivelany no jerena sy tsaraina amin’izany, hoy ny fanazavana. “Session” valo no mandalo eo anivon’io rafitra io, ka ny voalohany ny 2 septambra ho avy izao ary ny volana oktobra sy desambra kosa ny “session” faharoa. Araka ny fanazavan’ity mpampanoa lalàna ity hatrany, dia efa vonona amin’ny fitsarana ny ireo mpitsara ary hotsaraina mialoha ny faran’ny taona avokoa ireo antontan-taratasy ireo, hoy hatrany ny fanazavany.

Sitraka r.

Tia Tanindrazana

Samia mijoro ho an'i Gasikara.