Dossier

Fiara tsara sy matanjaka Tsy zakan’ny Malagasy intsony ny fanafarana

Dossier
Alarobia 10 Oktobra 2018

Nampahafantarina tetsy amin’ny Hotely Telozoro Andrefan’Ambohijanahary omaly talata 09 oktobra ny hetsika meeting VW Mada Andiany faha-5 izay hatao ny sabotsy 13 oktobra ho avy izao manomboka amin’ny 08 ora sy sasany maraina etsy amin’ny lapan’ny fanatanjahantena Mahamasina.

Tanjona ny hampihaonana sy ny fanamafisana orina ny fifandraisana amin’ny olona tia sy miondana ny fiara Vw, Audi, Porsche sy ireo marika mitovitovy amin’izany. Hisyaraka izany ny fifanakalozana traikefa na amin’ny resaka fikojakojana, na ny fitaovana miasa ary indrindra mety ho tonga amin’ny fifamarotana mihitsy aza izany. Nanamarika ireo mpikarakara fa tena mbola be mpitia ireo marika ireo amin’izao fotoana ary mbola ahitana pièce tsara eto Madagasikara. Na dia izany aza anefa dia tsy zakan’ny Malagasy intsony izany manafatra fiara izany satria tena mihalafo isan’andro ny vidiny ka aleo ny eo an-tanana no atsaraina. Tsiahivina fa sady faha -10 taonan’ny klioba Magolf io ary hisy ny fifaninanana hanomezan-doka ho an’ireo manana fiara mendrika

Tsirinasolo