Dossier

Fandraharahana amin’ny sehatra fambolena eto Madagasikara Hiantoka amin’ny fampandrosoana ara-toekarena

Dossier
Alakamisy 25 Oktobra 2018

Tsy mitsahatra ny fitombon’ny mponina eto Madagasikara kanefa tsy mifanaraka amin’ny famokarana izany.

Tsy mahavelona ny mponina iray manontolo ireo tantsaha maro misehatra amin’ny fambolena. Araka izany dia mibahan-toerana hatrany ny fanafarana entana, indrindra ny sakafo sy ireo zavatra ahodina ho sakafo. Manome 46,3%-n’ny fanondranana ny sakafo sy ny manodidina azy ka tokony hitodihana haingana amin’ny fandraharahana amin’ny sehatra fambolena (agri business). Tsy ny fananana sakafo ampy ihany mantsy no tombony azo amin’ity fa tena hampiainga haingana ny toekarena Malagasy ny fidirana amin’io tontolo io. Io fandraharahana amin’ny sehatra fambolena io dia manambatra singa maromaro mampiroborobo ny toekarena. Ohatra amin’izany ny fidirana sy fivoizana ny rojom-pihariana (approche chaine de valeur) hanatsarana ny vokatra. Amin’izay anefa dia teraka ho azy ny asa hafa mety tsy hidiran’ny sehatra fambolena tahaka ny famarotana sy ny fanatsarana ny kalitao ary ny fandraharahana aorian’ny famokarana mihitsy. Ny vokatr’izany rehetra izany no hiteraka fampandrosoana ara-toekarena maharitra sady hitondra tombony amin’ireo famokarana sy ny fandraharahana atao satria ankoatra ny fisian’ny famoronana asa dia hitombo ny fidiram-bolan’ny tantsaha noho ny fitaran’ny tsena.

Tsirinasolo