Dossier

Fanaovana foara etsy sy eroa Tokony ho tosika ho an’ny toekarena

Dossier
Alakamisy 29 Novambra 2018

Mila mihazakazaka mafy amin’ny fandraharahana ny sehatra tsy miankina eto Madagasikara raha te hahita vokatra mahatsara ny toekarena.

Tsy ekena ny fahitana Malagasy mahantra maro be nefa iaraha-mahalala ny harena be eto amin’ny firenena, hoy ny Agence Première Ligne mpikarakara hetsika lehibe ara-toekarena ka tokony hotrandrahana tsara izany mba hampanankarena ny rehetra. Nampahafantarina tetsy amin’ny Hotely Le Louvre ny fisian’ireo karazana foara maro samihafa indray amin’iny taona 2019 ho avy iny. Tahaka ny mahazatra dia hisy ny ASIA ENJOY Madagascar, Foire Internationale de Madagascar (FIM), SIM (Salon de l’Industrie Madagascar)- FIA (Foire Internationale de l’Agriculture) ary ny Salon Internationale de l’Habitat (SIH). Saika efa andiany maro daholo izy ireo kanefa hita fa mitotongana hatrany aloha ny toekarena Malagasy. Mampanontany tena ihany hoe sao lahy dia lasa fahazarana fotsiny ny fanaovana hetsika ara-toekarena tahaka itony fa tsy mipaka mivantana amin’ireo mpisehatra, indrindra ny tantsaha sy ny mapandraharaha ary ny vahoaka Malagasy mihitsy. Tokony hijery akaiky ny hetsika lehibe ara-toekarena tahaka izao ny mpitantana vaovao ny firenena eo mba tena hipaka amin’ny rehetra ny zavatra atao fa tsy sanatria fahazarana sy fambotriana ny Malagasy

Tsirinasolo