Dossier

Partagé sur :
• facebook

Andro iraisam-pirenena ho an’ny statistika omaly 22 novambra ary nankalaza izany i Madagasikara tetsy amin’ny Solimotel Anosy. Ezahina ampahafantarana ny vahoaka ny zava-misy indrindra ireo tarehimarika marobe vaovao sy efa vita fanadihadiana ao amin’ny ivontoeram-pirenena momba ny Antontanisa (Instat).

 Nisy araka izany ny fampiratiana tarehimarika maro be ka anisan’izany ohatra ny fivoaran’ny tahan’ny kolikoly, ny tontolon’ny  fanabeazana eny hatramin’ny fandriam-pahalemana. Tsiahivina fa misy ny lalàna 2018-004 izay manasazy ny olona manome vaovao diso na tarehimarika tsy mitombona ka miteraka olana sy mandiso ny fanapahan-kevitra raisin’ny tompon’andraikitra isan-tsokajiny eto amin’ny firenena. Nanambara ny minisitry ny toekarena sy ny teti-pivoarana, Napetoke Marcel Arsoanaivo fa zava –dehibe ary tena misy ny fitazomana ny tsiambaratelon’ny orinasa n any olon-tsotra manome vaovao sy tarehimarika ao amin’ny Instat. Amin’izao dia misy mihitsy ny ezaka ataon’ny Instat amin’ny fanarahana ny fomba manaraka ny kalitao ahafahana manana sy mitazona tarehimarika marina sy mitombona ka mirindra tsara amin’ny fanapahan-kevitra raisin’ny fitondram-panjakana amin’ny lafiny maro. Ankoatr’izay dia tena ilaina ny ihany koa ny fananana antontanisa vaovao sy marina satria ireny ihany no fakafakaina sy hamarinin’ny mpamatsy vola ka mahatonga azy hanome na hand any famatsiam-bola ataony. Tena manampy be amin’ ny fanaraha-maso atao amin’ny asam-panjakana ihany koa ny antontanisa omen’ny Instat tahaka izao satria naranty tao avokoa ny tarehimarika tsara ho fantatra manodidina izany.

Tsirinasolo

Tia Tanindrazana

Samia mijoro ho an'i Gasikara.