Dossier

Fampandrosoana an’i Madagasikara Tsy maintsy arahina finoana

Dossier
Alakamisy 11 Oktobra 2018

Omaly alarobia 10 oktobra no nampahafantarina tetsy Mandrimena Tanjombato ny fampandrosoana ara-toekarena tanterahina amin’ny lafiny finoana sy vavaka ataon’ny fikambanana Mpitory teny Mpitandrina Mpanompo (3M).

Nanambara ny fikambanana fa tompon’andraikitra voalohany eto Madagasikara izy ireo ny amin’ny fampiroboroboana ara-toekarena indrindra ny amin’ny fampielezana ny filazantsara. Tamin’ny oktobra 2017 dia nisy ny fampivoarana ny fambolena araka ny tatitry ny tompon’andraikitra voalohany ny 3M, Faly Ravoahangy. Ny vina dia ny hitady sy hanofana an’ireo olona nantsoin’Andriamanitra amin’ny sehatra fanompoana mba hiverina tanteraka amin’ny baiboly izy ireo. Misy ny hetsika iraisam-pirenena momba ny toriteny mirakitra fanazavana ny tenin’Andriamanitra (sommet international de la prédication textuelle). Antony anaovana ny hetsika ny hanentanana ny olona rehetra misehatra amin’ny fitandremana sy ny fampianarana ny tenin’Andriamanitra mba hiverina tanteraka amin’ny baiboly. Tsy tokony hivaona amin’ny tenin’Andriamanitra ny mpino amin’ny fanazavana ny olona ny amin’ny baiboly na dia mihamaro hatrany aza ny antokom-pivavahana sy ny fiangonana eto amin’ny firenena.

Tsirinasolo