Dossier

E-Hetra Payment Hanamorana ny fampidiran-ketra

Dossier
Alarobia 06 Novambra 2019

Nampahafantarina tamin’ny fomba ofisialy omaly tetsy amin’ny Hotely Carlton Anosy ny “e-hetra Payment” izay fomba fandoavana hetra vaovao amin’ny aterineto.

Efa nanomboka tamin’ny 15 Oktobra lasa teo no efa afaka nanatanteraka izany ireo orinasa ka sady afaka manao fanambarana ara-ketra no afaka mandoa hetra mihitsy. Tanjona ny hanamorana ny fandoavan-ketra mba hipaka haingana amin’ny fampidiran-ketra ao amin’ny kitapom-bolam-panjakana. Hahazo tombony ihany koa ireo orinasa lehibe ny amin’ny tsy fivezivezena sy ny tsy fandaniam-potoana amin’ireo taratasy marobe amin’ny fanambaran-ketra. Ny 80%n’ny fampidiran-ketra mantsy dia avy amin’ireo orinasa lehibe ireo ka notsorina amin’ity fomba vaovao ity ny fandoavan-ketra atao’izy ireo. Tombony ihany koa ny tsy hisian’ny risika aamin’ny fanaovana kolikoly ary mangarahara tanteraka kanefa tena voaaro tsara ny kaonty. Fiaraha-miasa amin’ny Masoivoho Alemana no nahafahana nametraka ny E-HetraPayment ary izy ireo mihitsy no mamatsy vola tamin’izany. Efa niditra tamin’ity vovonana hanaovana fanambarana sy fandoavan-ketra ampitain-davitra (télépaiement) ity rahateo koa moa ny ankamaroan’ireo banky hanamorana ny fampidiran-ketra. Ao anaty aterineto no miditra amin’ny tranokalan-tseraseran’ny foiben’ny fintantanana ankapoben’ny hetra araka izany dia efa afahana mandoa ny hetra amin’ny fotoana fohy.

Tsirinasolo