Dossier

Birao manelanelana ny banky sy ny mpindram-bola Hiasa eto Madagasikara mandritra ny herintaona

Dossier
Alatsinainy 21 Janoary 2019

Mbola ambony ny tahan’ny zana-bola sy ny saran’ny fahafahana mindram-bola amin’ny banky eto Madagasikara raha oharina amin’ny firenena hafa, hoy ny governoran’ny Banky foibe, Andriamatoa Alain Herve Rasolofondraibe.

Antony ny tsy fahazoana antoka amin’ny orinasa sy ny olona mindram-bola ary tsy fantatry ny mpandraharaha amin’ny sehatra fampindramam-bola ihany koa ireo antontan-kevitra mahakasika ireo orinasa ampindramina vola ka izany no hakany antoka ambony be. Ho fanampiana ny banky amin’ny fampahafantarana ireo mpanjifa izay mikasa hindram-bola ao aminy ka hizotra amin’ny fanarahan-dalàna sy ny filaminana dia miasa eto Madagasikara mandritra ny herintaona ny biraon’ny fanelanelanana ny banky sy ny mpindram-bola ( BIC) manomboka izao. Mihena araka izany ny mety ho risika amin’ny fampindramam-bola ary hiteraka fanamorana amin’ny fampindramam-bola izao fanapahan-kevitra izao.

Tsirinasolo