Dossier

Banky foiben’i Madagasikara Manao pi-maso amin’ny mpamatsy vola

Dossier
Alatsinainy 13 Aogositra 2018

Nisy ny fanapahan-kevitra noraisina tamin’ny “conseil de ministre” farany teo ka nivoizana ny resaka “recapitalisation” an’ny banky foiben’i Madagasikara. Rehefa miresaka banky foibe anefa dia ny fanjakana avy hatrany no ao an-tsaina ka raha izany no misy dia ny maha-fanjakana mihitsy no mampametram-panontaniana hoe mbola afaka atao ve ny mifampiraharaha aminy (crédibilité).

Rehefa miaina ao anatin’izany “recapitalisation” izany mantsy dia mety ho ambany kokoa ny fiheveran’ny olona sy ny firenena avy any ivelany ny amin’ny firenena mampihatra izany. Mampametram-panontaniana ihany hoe tsy misy sa tsy ampy renivola ve izany ny ao amin’ny banky foibe no mahatonga izany fanapahan-kevitra izany ? sa tsy ampy intsony ve ny vola vahiny ary tsy misy ihany koa ny fahefanan’ny banky foibe hanome fahafaham-po ny banky rehetra eo ambany fiahiany amin’ny resaka famatsiana vola (émission de liquidités monétaires). Nanambara ihany koa anefa ny mpandalina toekarena iray fa fepetra anankiray ahafahana manome toky ary fanaovana pi-maso amin’ny mpiara-mombon’antoka sy ny mpamatsy vola vahiny ity fanapahan-kevitra ity. Te hampahafantatra amin’ny mpanmatsy vola araka izany ny mpitondra fa mbola afaka mitantana tsara ary mandeha araka ny tokony ho izy ny vola rehetra mandalo ao amin’ny banky foiben’i Madagasikara.

Tsirinasolo