Dossier

Banky foiben’i Madagasikara Henri Rabarijohn no governora vaovao

Dossier
Alakamisy 07 Novambra 2019

Nesorina tamin’ny toerany ny governoran’ny Banky foiben’i Madagasikara Alain Hervé Razafindrainibe ka misolo toerana azy manomboka izao Atoa Henri Rabarijohn.

Filohan’ny filankevi-pitantanan’ny Banky BNI Madagascar izy mialoha izao nanendrena azy izao. Efa niasa teo anivon’ny Banky iraisam-pirenena sy ny International Finance Corporation (IFC) ary efa masoivohon’ity rafitra ity tany Cameroun. Izy no nandrindra ilay fihaonamben’ireo mpamatsy vola an’i Madagasikara tany Parisy ny fiandohan’ny volana desambra 2016 tamin’ny fitondrana HVM. Izy izany no hanohy ny asa amin’ny fanatsarana ny politika ara-bola eto Madagasikara sy hametraka ireo fanavaozana takian’izany, araka ny fivoaran’ny toekarena.

RTT