Any Ivelany

Zimbabwe Amin’ny 4 aogositra ny voka-pifidianana

Any Ivelany
Talata 31 Jolay 2018

Ny sabotsy 4 aogositra izao farafahatarany no ho fantatra ny vokatry ny fifidianana filoham-pirenena notanterahana tatsy Zimbabwe omaly alatsinainy 30 jolay.

Nilamina tamin’ny ankapobeny ny latsa-bato. Voalohany teo amin’ny tantaran’ity firenena ity no nisy olona hafa ankoatra an’i Robert Mugabe no hofidiana. I Emmerson Mnangagwa avy amin’ny Zanu PF antoko eo amin’ny fitondrana sy Nelson Chamisa natolotry ny MDC antoko mpanohitra no sokajiana ho mpifaninana matanjaka amin’ireo kandida 23. Heverin’ny mpanara-baovao fa tsy maintsy ny iray amin’izy mirahalahy ireto no ho filoha. Mirona kokoa any amin’i Nelson Chamisa ny safidy ho an’ny filoha teo aloha Mugabe satria tsy mbola levon’ny vavoniny ny fanonganam-panjakana natao azy izay voalaza fa notarihan’i Emmerson Mnangagwa noheverina fa tena olona akaiky azy.