ZANAK’AMBOHIDRATRIMO MAROVATANA

Nitohy tao Ampanataovana ny asa sosialy

Any Ivelany
Talata 12 Desambra 2023

Mitohy ny asa sosialy tanterahin’ny Zanak’Ambohidratrimo Marovatana na ny ZAM ka ny

Fokontany Ampanataovana indray no nahazo fanampiana maro isan-karazany ny faran’ny herinandro teo. Nahazo rano fisotro madio ny fokonolona, ary nomena masomboly ireo mpamboly, ny mpianatry ny EPP avy amin’ny fianakaviana sahirana nahazo tohana ara-bola ary ny mpanao fanatanjahan-tena nomena baolina kitra. Mpianatra kilasy T4 ao amin’ny EPP Ampanataovana Ny Avo, zazavavikely kamboty ray ary marary saina ny reniny, ka dia ny renibeny no mitaiza azy sy i Nasandratra zokiny. Tsy manam-bola hanefana ny vola fisoratana anarana ny renibeny izay sahirana ka saika hajanona amin’ny fianarana i Ny Avokely. Nankasitraka feno an’i Rabary Hery Filohan’ny ZAM tena mitsinjo ny madinika sy ny sahirana ny reniben’Ny Avo izay manano-tena noho izany fanampiana azony izao. Ankoatry ny ankizy mpianatra dia nahazo tombotsoa lehibe ny fokonolona ary notolorana rano fisotro madio. Amin’ny maha mpanao fanatanjahan-tena an’i Rabary Hery Filohan’ny ZAM kosa no nanampiany ireo mpanao baolina ka nanolorany fitaovana ny Klioba tsirairay ao Ampanataovana. Koa satria fotoam-pambolena isika izao dia notolorana masomboly koa ireo tantsaha rehetra Mbola hitohy any amin’ireo Fokontany valo hafa ao anatin’ny Kaominina Ambohidratrimo ny asa sosialin’ny ZAM.
Pati
Legende : Ireo mpikambana ao amin’ny ZAM !