Any Ivelany

Wuhan-Chine Vita tao anatin’ny folo andro ny hopitaly roa vaovao

Any Ivelany
Talata 04 Febroary 2020

Folo andro monja no nananganan`ny sinoa hopitaly "préfabriqué" vaovao roa any ambanivohitr’i Wuhan, faritany nipoiran’ny valanaretina Coronavirus, handraisana an-tanana ireo marary noho ny hafenoan’ny hopitaly sy mba hifehezana ny fiparitahan’io valanaretina io.

Omaly ny hopitaly voalohany, « Huoshenshan Hospital » izay miorina amina velarantany 25 000 m² ary misy fandriana 1 000 no nandray marary. Mivelatra amin’ny velaran-tany 60 000 m² ny hopitaly faharoa, « Leishenshan Hospital » ary hisy fandriana 1 600. Heverina ho afaka handray marary io hopitaly io amin’ny 5 febroary izao. Mpiasa 4 000 sy milina 100 no niasa andro aman’alina namita ny asa tao anatin’ny herinandro. Azo faritana amin`izao ny fahafahana mihetsika haingana any amin`ireo firenen-dehibe.

Marigny A.