Any Ivelany

TSENAN’NY FITAOVAM-PIADIANA LASAN’NY AMERIKANINA NY 61% TAMIN’NY 2019

Any Ivelany
Alarobia 09 Desambra 2020

Ny 61%-n’ny tsenan’ireo orinasa 25 matanjaka indrindra eto ambonin’ny tany

amin’ny indostrian’ny fitaovam-piadiana dia lasan’ny Amerikanina avokoa ny taona 2019. 15,7% kosa ny an’ny sinoa. Niakatra 8,5% ny renivola an’ireo orinasa 25 voalohany ireo, izay 361 miliara dolara eo, avo 50 heny amin’ny tetibola isan-taonan’ny asa fampandriana fahaleman’ny ONU. Orinasa Amerikanina ny 6 voalohany (Lockheed Martin, Boeing, Northrop Grumman, Raytheon, General Dynamics) sy sinoa 3 (AVIC, CETC, Norinco) no ao anatin’ny 10 voalohany, ary tokana ny Eoropeanina izay eo amin’ny laharana faha-7 dia ny BAE Systems. Niaka-danja ny orinasa Frantsay Dassault izay faha-38 niakatra ho faha-17 noho ny fivoaran’ny fanamboarana fiaramanidina mpiady.