Any Ivelany

TOETR’ANDRO TOMPONDAKAN’NY HAFANANA NY 2020

Any Ivelany
Alakamisy 03 Desambra 2020

Dimy taona taorian’ny fifanarahan’i Paris (COP 21) momba ny fiovaovan’ny toetr’andro tamin’ny 2015,

dia voasokajy ho isan’ny taona nafana indrindra ny 2020, ary tsy mbola nisy hatramin’izay izany, hoy ny rafitra maneran-tany momba ny famantarana ny toetr’andro omaly. Ity taona ity no nafana indrindra teo anelanelan’ny 2010-2020, ary nihoarana ny fetran’ny fiakarana 1,5°C voafaritry ny COP21, hoy ny ONU. Mampitahotra ny fiovaovan’ny toetr’andro ary mampivarahontana ny zava-misy na tsy mbola tapitra aza ny 2020. Tsy nampiova zavatra firy ny fihalefahan’ny fahapotehan’ny tontolo iainana noho ny fisian’ny covid-19. Mitsonika ny ranomandry, tafiakatra 40°C ny hafanana any Arctique, mirehitra ny ala sy ny tanàna any Australie, Californie, Sibérie,… Tsapa sy misongadina ihany koa ny voka-dratsy noho ny fahapotehan’ny tontolo iainana eto amintsika.

Toky