Any Ivelany

Thailande Mpamboly iray maty notrongisin’ny Elefanta

Any Ivelany
Zoma 21 Jona 2019

Teratany thailandey iray no maty notrongisin’ny elefanta tao amin'ny valan-javaboahary nasionaly iray tany atsinanan'ny firenena.

Elefanta miisa telo, handeha hitady sakafo,no nahita ity lehilahy 26 taona ity sy ny vadiny natory tao anaty tranolay, no romotra tampoka ka nandrava ny tranon’izy ireo. Nisy fiara lehibe iray nijanona teo akaikin’ny tranolay an’izy ireo, ka niafina tao amban’ilay fiara izy mivady rehefa nohenjehin` ireo biby. Tsy naharitra anefa rangahy fa vao dia nanandrana nandositra. Fony izy vao nivoaka iny indrindra anefa no notrongisin’ilay Elefanta iray tamin’ny tandrony teo amin’ny tratrany ka loaka tanteraka. Miisa 2700 ny elefanta any Thailande no mbola miaina anaty ala avokoa. Maro amin’izy ireo no mbola tsy zatra olona. Ny fanimbana ny ala ihany koa dia nirongatra be tato ho ato tany an-toerana. Simba tanteraka arak’izany ny fonenan’ny biby hany ka very ny fitokisan’ny biby amin’ny olona ka mahatonga azy ireo hasiaka amin’ny olona rehefa mifanena aminy any anaty ala.

Marigny A.