Any Ivelany

Tabera Randriamanantsoa Miantso ny Bianco hanadihady ny INFA

Any Ivelany
Zoma 22 Desambra 2017

Nivoaka ny alarobia teo ny valim-panadinana ho an’ny fifaninanana hidirana ho mpianatra eo anivon’ny INFA na ny sekoly nasionaly momba ny asam-panjakana.

Ankizy 35 teo no nitaraina fa tokony ho afaka, hoy ny minisitry ny asam-panjakana sy ny asa ary ny lalàna sosialy tamin’ny tetezamita teo aloha, Tabera Randriamanantsoa saingy nisy volabe nikararana nirotsaka tao ka nahatonga ny anaran’izy ireo voadingana. Mitaky ny fitsirihana ataon’ny Birao mahaleotena misahana ny ady amin’ny kolikoly na Bianco mba hisian’ny mangarahara ity mpanao politika ity. Vita ao anaty roa volana ny mampitaha ny naotin’ireo mpianatra voasoratra sy ny taratasim-panadinan’izy ireo. Ataovy izany ary asehoy ankarihary ho hitan’ny vahoaka fa tsy lojika hoe ankizy miisa 35 no indray hitomany daholo, hoy izy.

J. Mirija