Any Ivelany

Soudan Mihenjan-droa ny tady eo amin` ny miaramila sy ny sivily

Any Ivelany
Alarobia 03 Jolay 2019

Ny mpitondra miaramila dia mitaky dinika vaovao entina manitsy ireo andininy sasany ao anatin’ilay fifanarahana navoakan` ny mpanelanelana, tahaka ny vondrona Afrikanina .

Ity farany dia mametraka fa tokony hifandimbiasana ny fitantanana ny firenena na fitarihana ny filankevitry ny fiandrianam-pirenena. Marihana fa 15 no mpikambana eo anivon` ity filankevitra ity ka 7 avy amin` ny miaramila, 7 hafa kosa avy amin` ny sivily ary ny mpikambana iray farany dia sivily tsy miandany. Tsy mankasitraka ny fanendrena io filoha mifandimby io ny miaramila ary tsy itovizan-kevitra ihany koa ny fepetra hitondrana izany filankevitra izany. Ny mpanelanelana dia milaza fa telo taona, ny miaramila kosa dia manambara fa tokony ho roa taona izay fanomanana ny fifidianana filoham-pirenena any Soudan. Ny sivily dia mitaky izany satria io no fifanarahana. Araka izany, miantso ny vahoaka hitokona ny 14 jolay ho avy izao ny ALC (Alliance pour la libertè et le changement).

Marigny A.