Any Ivelany

Sina Nampiato ny fitsangantsanganana mankany Taiwan

Any Ivelany
Alakamisy 01 Aogositra 2019

Namoaka fanambarana ny firenena Sinoa omaly, milaza fa haato ny fandefasana mpizahatany sinoa hitsidika an’i Taiwan.

Nilaza ny minisiteran'ny kolontsaina sy ny fizahantany sinoa fa noraisina ny fepetra noho ny fifandraisan'ny roa tonta izay tsy dia nifanaraka tato ho ato. Mahery vaika ny fifanolanana misy eo amin'ny filoha Sinoa Xi Jinping sy ny filoha Taiwaney Tsai Ing-wen, izay nahazo ny fahefana nanomboka ny taona 2016 tato ho ato ary nandà tsy te-hahalala ny fitsipiky ny firaisan'ny nosy sy ny kaontinanta. Misy fiantraikany any amin’ny toekarena Taiwaney anefa izany, indrindra manaratsy ny sarin’ny filoha Tsai Ing-wen, izay manantena fatratra ny mbola ho lany amin’ny fifidianana filoham-pirenena amin’ny volana janoary 2020.

Marigny A.