Any Ivelany

Salvador Ahiana handalovan`ny Tsunami

Any Ivelany
Zoma 31 Mey 2019

Nisahotaka ny mponina tany Salvador, omaly alakamisy tamin`ny 11 ora antoandro noho ny fisian`ny horohorontany.

Voalaza fa tany La Libertad no foibeny, 40 km miala amin’ny renivohitra San Salvador. Tsy nisy aina nafoy sy fahasimbana goavana saingy fantatra indray izao fa ahiana handalovan`ny Tsunami any an-toerana, izay manana tanjaka 6,6 amin’ny maridrefy Richter. Ny minisiteran`ny tontolo iainana no nanao ny fanambarana tamin`ny tambajotran-tserasera. Nanapa-kevitra ihany koa ny minisiteran`ny fanabeazam-pirenena fa hatsahatra aloha ny fampianarana any an-toerana. Ny mpitandro ny filaminana kosa dia miantso ireo mponina manamorona ny morontsiraka mba hiakatra amin`ireo faritra avo. Marihina fa i Salvador dia firenena kely ao Amerika Afovoany, manana mponina miisa 6 tapitrisa.

Marigny A.