Any Ivelany

RIO DE JANEIRO NOSAMBORINA NY BEN’NY TANANA

Any Ivelany
Alarobia 23 Desambra 2020

Sivy andro tsy hifaranan’ny fotoam-piasany, nosamborina omaly Marcelo Crivella

ben’ny tanànan’i Rio de Janeiro noho ny resaka kolikoly avo lenta tamin’ny fitantanana ity tanàn-dehibe ity. Nilaza izy omaly, fa ny fitantanany no tena niady tamin’ny kolikoly tao Rio omaly nandritra ny fisamborana azy. Taorian’ny governoran’i Rio izay naongana ny volana aogositra noho ny resaka kolikoly, dia ity ben’ny tanàna ity indray no nanaraka. Tsy lany tamin’ny fifidianana moa izy, ary ny fonja no mety hiandry azy. Isan’ny nosamborina ihany koa ny mpandraharaha Rafael Alves, izay ahiana ho isan’ny atidoha.