Any Ivelany

RAHARAHA WIKILEAKS METY HIGADRA 175 TAONA I JULIAN ASSANGE

Any Ivelany
Alatsinainy 04 Janoary 2021

Mety higadra 175 taona an-tranomaizina ilay Aostralianina Julian Assange,

mpanorina ny tranonkala Wikileaks. Raharaha famoahana antontan-taratasy sy vaovao tsiambaratelo mikasika ny tafika Amerikanina tamina voalaza fa vono olona tamina ady no nanenjehana azy, ary ny aprily 2019 izy no nosamborina sy notanana amina fonja tsara aro any Londres. Nangataka ny hamindrana azy any Etazonia ny Amerikanina, ary anio 04 janoary no hanapa-kevitra na handà na hanaiky izany ny Britanika. Miaro azy fatratra ny sehatra mpiaro ny zon’olombelona, ary maneho fa faneriterena ny fahalalahana haneho hevitra sy fahazoam-baovao ny fanenjehana azy.