Any Ivelany

Raharaha Rohingyas ao Birmania Hanokatra fanadihadiana manokana ny CPI

Any Ivelany
Zoma 28 Jona 2019

Nanapa-kevitra ny fampanoavana eo anivon`ny Fitsarana iraisam-pirenena fa hanokatra fanadihadiana manokana manoloana ny famindran-toerana (deportation) natao tamin`ireo Rohingyas miisa 740 000 tao Birmanie.

Ny Rohingyas dia ireo silamo vitsy an`isa, izay nafindra tany Bangladesh. Fanadihadiana miisa roa no hisokatra ka ny iray dia mahakasika ireo herisetra nitranga tany Rakhine, ary ny hafa dia ho an`ireo tranga hafa mifandraika amin`io raharaha io. Tsiahivina fa tamin`ny taona 2017, Rohingyas miisa 6 700 no maty tao Rakhine tao anatin`ny iray volana. Ny Firenena mikambana dia nanameloka izany ho “genocide” na famonoana olona faobe.

Marigny A.