Any Ivelany

Raharaha Carlos Ghosn Namoahana didy fampisamborana ihany koa ny vadiny

Any Ivelany
Alarobia 08 Janoary 2020

Tsy manaiky ny fitsarana japoney fa dia namoahana didy fampisamborana ihany koa ny vadin`i Carlos Ghosn, mpandraharaha

frantsay izay voatonona ho nanodinkodim-bola tao amin'ilay orinasa mpanamboatra fiara "Renault-Nissan". Voapanga ho nijoro vavolombelona mandainga Rtoa Carole Ghosn. Raha tsiahivina, i Carlos Ghosn dia nandositra niala tao Japon raha mbola eo ampiandrasana ny fitsarana azy mahakasika raharaha fanodinkodinam-bola izay maha voaroiroy azy. Raha ny loharanom-baovao voarain`ny gazety boky Forbes, dia ny 29 desambra 2019 tamin`ny 11 ora 10 mn alina no nitondra an-tsokosoko an'Atoa Ghosn niala tao Japon ny TC-TSR ka nafenina tao anaty vata. Ny 30 desambra 2019 tamin`ny 5 ora 26 maraina, tonga tao Torkia i Atoa Ghosn tamin'ny alalan'ny TC-TSR ary nifindra fiaramanidina Bombardier Challenger 300 TC-RZA izay mbola tantanan'ny MNG Jet, ka nakany Liban nandritra ny 24 minitra, hoy hatrany ity gazety boky ity. Efa voasambotra ao Torkia ny olona 7 nandray anjara mivantana tamin'ny fitsoahany ka ny 2 amin'ireo dia mpanamorin'ny TC-TSR.

Marigny A.