Any Ivelany

Paris Saint-Gérmain Voan’ny Covid-19 i Neymar, Di Maria, Paredes

Any Ivelany
Alakamisy 03 Septambra 2020

Mitondra ny valanaretina Covid-19 i Neymar kintan’ny baolina kitra Brezilianina milalao ao amin’ny Paris Saint-Germain na ny PSG. Nandeha nitsangatsangana tany Ibiza,

ilay Nosy kely malaza any Espagne ny ankamaroan’ireo mpilalaon’ny PSG ka voa toa an’i Neymar ihany koa i Paredes, Di Maria,... Tezitra mafy ny filohan'ny PSG, Nasser Al-Khelaïfi, raha nandre fa nivoaka nandeha niraozy tany Ibiza avokoa ireo mpilalao ao amin'ny ekipany toy ry Navas, Neymar, Herrera, Verratti, Paredes, Di Maria, Icardi,... Ompa sisa tsy nataon’ny Tale ara-panatanjahantena na ny Directeur Sportif Leonardo tamin'ny mpanazatra Thomas Tuchel vokatry ny namelany ireo mpilalao niala sasatra ankatoky ny fanombohan'ny fifaninanan’ny Ligue 1 any Frantsa izao. Mba niala hamohamo taorian’ny faharesena tamin’ny famaranan’ny Ligue des Champions ny 23 aogositra ry zalahy.

Toky R