Any Ivelany

Orinasa Ambatovy Teratany vahiny 150 handeha hody

Any Ivelany
Alarobia 27 Mey 2020

Hiala any Toamasina anio ireo teratany vahiny niasa tao Ambatovy miisa 150 avy amina firenena samihafa. Hisy fiaramanidina manokana haka azy ireo, hitondra azy ireo hitodi-doha any amin’ny firenena nihaviany avy.

Nisy andiany efa lasa taloha, teratany Afrikana tatsimo. Maromaro moa ny mpiasan’Ambatovy voamarina fa mitondra ny tsimok’aretina Covid-19, ary nisy ilay teratany Filipiana iray nindaosin’ny fahafatesana ny 19 may 2020 noho io tsimokaretina io. Nokianin’ny fanjakana mafy ny orinasa Ambatovy tamin’ny fipariahan’ny covid-19. Orinasa mamelona olona an’aliny anefa io, ary isan’ny iankinan’ny toekarena Malagasy. Mampanahy izao fodiana sy fampodiana ireo teratany vahiny izao amin’ny mety ho fikatonana tanteraka. Andrasana izay mety ho fanampim-panazavana avy amin’ny orinasa na ny fanjakana.

Toky R sy J. Mirija