Any Ivelany

NITAINGINA NY “APOLLO 11” NODIMANDRY OMALY I MICHAEL COLLINS

Any Ivelany
Alakamisy 29 Aprily 2021

Nodimandry omaly teo amin’ny faha-90 taonany vokatry ny homamiadana nahazo azy ilay Astronaute Amerikanina Michael Collins.

Isan’ireo ekipa tao anatin’ny « Apollo 11 » nanao iraka voalohany teny amin’ny volana i Michael Collins. Mpanamory izy tamin’izany, ka nijanona teny amin’ny « orbite lunaire », raha toa ka ireo « astronautes » roa niaraka taminy dia i Neil Amstrong sy Buzz Aldrin no olombelona voalohany nanitsaka ny volana ny 16-21 jolay 1969. Iraky ny Sampam-pikarohana Naza izy ireo tamin’izany, ary I John F. Kennedy no filoha tamin’izany.