Any Ivelany

NETANYAHU SY BEN SALMANE

Any Ivelany
Talata 24 Novambra 2020

MANDA NY NISIAN’NY FIHAONANA NY SAODIANINA Niely ny resaka ny alahady teo fa nitsidika mangingina tany Arabie Saoudite sy

nihaona tamin’ny Mpanjaka Mohamed Ben Salmane ny Praiminisitra Israelianina Benaymin Netanyahu. Tafiditra tao anatin’ny fotoana nitsidihan’ny Sekreteram-panjakana Mike Pompeo tany Arabie Saoudite ny fotoana. Tsy mbola nisy firy teo amin’ny tantara anefa izany fitsidihana Praiminisitra Israelinina any Arabie Saoudite izany, ary marefo ny fifandraisana ara-diplaomatika. Nandiso ankitsirano io resaka fihaonana io ny Minisitry ny raharaham-bahiny Saodianina omaly. Ny alahady teo dia nihazo an’I Neom izay “station baléaire” Saodianina any amin’ny Ranomasina Mena ny fiaramanidina tsy miankina efa nitondra an’i Benaymin Netanyahu, izay niainga avy tao Tel-Aviv, ary tany no voalaza fa nihaonan’i Mike Pompeo, Netanyahu, ary Ben Salman, saingy nodisoin’ny Saodianina.