Any Ivelany

Mpivaro-toaka eny Ambavahaditokana Ho hentitra ny fanaraha-maso

Any Ivelany
Zoma 22 Jona 2018

Feno ny fandaharam-potoanan’ny kaominina ambanivohitra Ambavahaditokana, distrikan’Atsimondrano,

mandritry ny fankalazana ny faha-58 taonan’ny fahaleovantena, hoy ny fanazavan’ny ben’ny tanàna ao an-toerana, Bruno Ratianarivo, manomboka anio zoma 22 jona dia efa nisy ny hetsika ara-panatanjahantena sy ara-kolontsaina handraisan’ireo tanora eny an-toerana anjara. Anisan’izany ny kalokalo gasy sy ny basikety. Hitohy amin’ny fizarana sakafo sy harendrina izany, indrindra, ho an’ireo sahirana ny sabotsy. Ny 25 sy 26 jona moa dia hiavaka ny afomanga 30 minitra sy ny « Bal populaire » ary tsy adino ny matso handraisan’ireo tafika miasa eny an-toerana, ny mpianatra ary fikambanana samihafa anjara. Mandritr’ireo fotoana ireo, hoy izy, dia ho hentitra ny fanaraha-maso ireo mpivarotra zava-pisotro mahamamo ary izay mbola tratra mivarotra tsy lera dia handraisan’ny mpitandro ny filaminana ny andraikiny.

J. Mirija