Any Ivelany

Minisiteran`ny Fitsarana Hampihena ny isan`ireo voafonja tsy mbola notsaraina…

Any Ivelany
Alarobia 02 Janoary 2019

Olana sedrain`ny fonja manerana ny nosy indrindra eny Antanimora ny fahatereny.

Hametraka fanamby amin`ny taona ho avy, araka izany, ny minisiteran`ny fitsarana, hampihena ny isan`ireo voafonja tsy mbola no tsaraina. Mpisazy miisa 3 199 no eny Antanimora ka 409 no nahazo fitsarana, izany hoe 69% no tsy mbola nandalo fitsarana hatramin`ny fampidirana azy ireo hisazy. Nanamafy ny minisitra Harimisa Noro Vololona fa efa eo an-dalana ny momba izany fonja tery izany ary efa baiko nomena efa volana vitsivitsy izay ka antenaina hisy vokany amin`ny taona 2019. Hametraka fanatsarana manokana amin`ny fanjarian-tsakafo ihany koa ny minisiteran`ny fitsarana mba hanovana ho in-telo ny sakafo ny voafonja. Tany Toliara sy Miarinarivo no nanombohana ny tetikasa “Diet carceral” ary hitatra manerana ny nosy. Eo ihany ny fanasarahana ny toerana misy ireo zaza tsy ampy taona sy ampy taona. Ny fonja tany Ankazobe no nanaovana ny andrana. Nitsidika ny voafonja teny Antanimora sy Anjanamasina ny minisitry ny fitsarana, Harimisa Noro Vololona, ny alatsinainy lasa teo ka nanolotra vary, tsiasisa ary namono omby roa ho an`ireo voafonja ao Antanimora.

Marigny A.