Any Ivelany

Masoivoho Frantsay Miantso ireo Frantsay eto Madagasikara mba ho mailo

Any Ivelany
Alatsinainy 02 Novambra 2020

Miantso ireo fiarahamonina Frantsay eto Madagasikara ny masoivohon’i Frantsa eto Madagasikara mba ho mailo manoloana ny mety ho fiantraikan’ny asa fampihorohoroana mitranga any amin’ity firenena ity ankehitriny.

Mampanahy ny mety ho tohin’ireo fampihorohoroana nitranga faramparany tao Conflans-Sainte-Honorine sy Nice ary Djeddah teo, hoy ny fanazavana. Fanapahan-kevitra noraisin’ity ambasady ity sy ny masoivohony, noho izany, ny fiaraha-miasa amin’ireo manampahefana eto an-toerana hiarovana ireo toeram-panjakana misy ifandraisany akaiky amin’ny firenena frantsay. Miantso fahamailoana sy mampitandrina ny eto Madagasikara koa, araka izany, ny frantsay. . Efa misy fepetra noraisin` ny ambasady sy ny kaonsily jeneraly izay iarahana amin` ny tompon’andraikitra eto an-toerana amin`ny fiarovana ireo tranom-panjakana frantsay eto amintsika, hoy hatrany ny fampitam-baovao.

J. Mirija