Any Ivelany

Lybie Mamatsy fitaovam-piadiana azy i Torkia

Any Ivelany
Alakamisy 04 Jolay 2019

Nitsoa-ponenana avokoa ireo mponina nandritra ny fanafihana natao tao Tajoura Lybie. 44 no namoy ny ainy ka an-jatony ireo naratra.

Voarohirohy tamin`ny fandraisana anjara tamin`ny fanafihana ny vondrona tarihan`ny marechal Haftar, izay malaza ho mahery setra sy mampihorohoro ao Lybie. Araka ny loharanom-baovao tany an-toerana dia ireo toby miaramila tao Tajoura no fandrihan`ny mpanafika saingy ireo mpitsoa-ponenana no niharan`ny fanafihana. Manamafy ny tsy fisian`ny filaminana ny famatsian`i Torkia fitaovam-piadiana ao amin`io firenena io. Hihamafy ny fifanandrinana isam-paritra. Ireo mpitondra any Atsinanan`i Lybie dia tsy mankasitraka ny fihetsik`i Ankara. Mifanohitra amin`izany ireo mpitondra any andrefan`i Lybie satria manohana ny famatsian`i Torkia fitaovam-piadiana izao. Marihana fa ny firenena mikambana dia efa nandrara famatsiana fitaovam-piadiana any Lybie nanomboka ny taona 2011

Marigny A.