Any Ivelany

Krizy sy fitokonana Mikatso tanteraka ny any Frantsa

Any Ivelany
Zoma 06 Desambra 2019

Fitokonana maherin’ny 250 isa no mitranga any Frantsa ary dia mikatso tanteraka ny asa aman-draharaha, ny fitaterana…

Ny raharaham-panjakana amin’ny ankapobeny mihitsy. Mijoro ny sendikà frantsay sy ny vahoaka tsy manaiky na manohitra ny tetikasan’ny filoha Macron mahakasika ny fisotroan-dronono izany izay heverin’izy ireo fa mety hanimba sy hanitsakitsaka ny zon’ireo mpisotro ronono. Marihina hatrany fa io fanavaozana fisotroan-dronono izay anisan’ny programanasan’ny filoha frantsay nasongadiny tamin’ny fampielezan-kevitra tamin’ny vahoaka frantsay. Marina fa nofidian’ny vahoaka hitantana ny firenena ny filoham-pirenena kanefa tsy voatery ny programanasany rehetra nambarany no naharesy lahatra ny vahoaka nifidy azy. Mijoro ny olona manohitra izany satria heverin’izy ireo mifanohitra amin’ny tombontsoan’ny vahoaka izay.

Marigny A.