Any Ivelany

Korea Avaratra Tsy hay na maty na velona I Kim Jung-Un

Any Ivelany
Alatsinainy 27 Aprily 2020

Miely amin’ny haino amanjery maro any ivelany ny resabe momba toe-pahasalaman’i Kim Jong-Un (36 taona), mpitondra an’i Korea Avaratra, nandova Fanjakana tamin’ny Rainy sy Raibeny.

Ao ny milaza fa nodimandry izy. Misy ny miteny fa tazonina amin’ny milina fameloman’aina ny fony. Ilay mpitsabo havanana any Korea Avaratra, izay nosafidiana manokana hitsabo azy naneho, fa nisy tsy tomombana araka ny tokony ho izy ny fandidiana ny fony ny alahady 12 aprily lasa teo tany Hyangsan, avaratr' i Pyongyang. Izay tsy fetezana izay no mety nitarika ny fahafatesany, raha toa ka marim-pototra ireo vaovao miely. Nanamafy ny ahiahy ny fandefasan’ny governemanta sinoa sabotsy ireo iraka manam-pahaizana momba ny fitsaboana ho any Korea Avaratra, hanaramaso akaiky ny toe-pahasalaman’i Kim Jong-un, araka ny fitantaran’ny televiziona Sinoa CCTV azy. Ny 11 aprily azy no nahitan’ny azy farany niseho vahoaka.

Toky R