Any Ivelany

Kolikoly sy fanaovana tsindry bokotra Hotsaraina afaka 1 volana i Nicolas Sarkozy

Any Ivelany
Alakamisy 20 Jona 2019

Neken’ny Fitsarana Frantsay avy hatrany ny fandefasana an’i Nicolas Sarkozy hotsaraina eny amin’ny Tribonaly.

Henjehina noho ny "kolikoly" tamina mpitsara ambony ao amin'ny Fitsarana mpandrava didy, izay tratra tamin’ny alalan’ny fihainoana ny antso an-telefaonina izy. Nolavin’io rafi-pitsarana io ny talata teo ny fampiakarana farany nataony sy ny mpisolovava azy, Thierry Herzog, ny mpitsara ambony teo aloha Gilbert Azibert, mba hialany amin'ny fitsarana ny raharaha "kolikoly" sy ny fampitenenana ny anarany izay miendrika fanararaotam-pahefana. Henjehina ihany koa amin’ny raharaha Bygmalion izy, mahakasika raharaham-bola sy hosoka tamina faktiora sy ny raharaham-pifidianana filoham-pirenena nisiana famatsiam-bola Lybianina 50 tapitrisa Euros. Azontsika alaina tahaka ny zavatra tahaka izao hoe : rehefa nanao kolikoly na iza na iza dia henjehina sy mandalo fitsarana tahaka ny rehetra fa tsy misy pitsopitsony sy hanaovana fitsarana manokana, toy ny HCJ (Haute Cours de Justice) ho an’ny mpitondra ambony, izay efa nolazain’ny filohan’ny Sendikan’ny Mpitsara Atoa Clément Jaona fa mila foanana.

Toky R