Any Ivelany

Joe Biden kandida ho filoha Amerikanina Misy manenjika ho nanao fanararaotana ara-nofo

Any Ivelany
Sabotsy 09 Mey 2020

Na mbola ady tsy fanta-piafarana aza hatreto ny resaka Coronavirus, dia efa manomboka mifantoka amin’ny fifidianana Filoham-pirenena afaka enim-bolana ny any Etazonia firenena isan’ny be matin’io valanaretina io.

Mifoha ny karazana ampamoaka hoentina mifamango, ka tratran’izany i Joe Biden. Vehivavy iray niara-niasa taminy no miteny amin’izao fotoana izao fa nanaovany fanararaotana ara-nofo tany amin’ny taona 1990. Namaly izany ofisialy izy omaly, ka naneho fa tsy nisy izany, ary tsy hisy mandrakizay. Lehiben’ny diplaomasia Amerikanina tamin’ny andron’I Barack Obama moa i Joe Biden ary ho kandida tena matanjaka avy amin’ny Antoko Demokraty hifanandrina amin’i Donald Trump. Mitana ny sain’izao tontolo izao hatrany ny fifidianana izay ho filoha Amerikanina.

Toky R