Any Ivelany

Isan`ny mponina maneran-tany Hiakatra 9,7 lavitrisa amin`ny 2050

Any Ivelany
Alarobia 19 Jona 2019

Araka ny tatitra navoakan`ny Firenena Mikambana (ONU) ny alatsinainy lasa teo, hahatratra 9,7 lavitrisa ny isan`ny mponina maneran-tany amin`ny taona 2050 raha toa ka 7,7 lavitrisa ankehitriny kanefa tokony ho avo roa heny.

Antony, miha milatsaka ny taham-piterahana. Raha vinavinaina dia ahiana hitombo isa hatramin`ny 11 lavitrisa izany amin`ny taona 2100. Mitombo isa hatrany ireo firenena mihavitsy mponina, hoy ny ONU. Nanomboka ny taona 2010, miisa 27 ireo firenena nahitana fihenana 1% eo amin`ny mponina ao aminy. Ho an`ny firenena sinoa manokana, ahiana hilatsaka 31,4 tapitrisa ny isan`ny mponina, izany hoe 2,2% hatramin`ny 2050. Firenena ahitana fitomboan’isan`ny mponina ao aminy kosa i Estonia, Alemaina, Italia, Rosia, Serbia noho ny fisian`ireo mpifindra monina ao aminy. Firenena sivy kosa no tena arahina akaiky hatramin`ny taona 2050, dia i India, Nigeria, Pakistan, RD Congo, Ethiopia, Tanzania, Indonezia, Egypta ary Etazonia.

Marigny A.