Any Ivelany

Herisetran’ny polisy tany Phoenix Etazonia Mangataka onitra 10 tapitrisa dolara ilay fianakaviana

Any Ivelany
Talata 18 Jona 2019

Niala tsiny noho ny fihetsika mahery nataon’ny polisy tamina fianakaviana mainty hoditra efa-mianaka ny ben’ny tanànan’i Phoenix any Etazonia.

Nanompa sy nanambana basy azy mianakavy izay misy zazakely , ilay ramatoa bevohoka ireo polisy, izay fotsy hoditra teo amina fiantsonana fiara tamina magazay lehibe iray. Niparitaka tamin’ny tambajotra sosialy ny horonantsary mirakitra ny zava-nitranga. Noheverin’ireto polisy ireto fa nangalatra zavatra tao amin’ilay magazay ny iray tamin’ireo zaza ka nahatonga azy ireo hanao izao fihetsika izao. Nametraka fitoriana ireo niharam-boina ary mangataka onitra 10 tapitrisa dolara noho ny fampihorohoroana ara-tsaina sy ara-batana nanjo azy ireo.