Any Ivelany

Partagé sur :
• facebook

Lany ho Filoham-pirenena Frantsay fanindroany I Emmanuel Macron. Tontosa omaly alahady 24 aprily ny fihodinana faharoa izay nifananandrinan’ity Kandidan’ny La République en Marche ity tamin’I Marine Le Pen avy amin’ny

Rassemblement National Rtoa Marine Le Pen. Nivoaka nandresy tamin’ny isa 58,2% I Macron ary 41,8% kosa ny an’i Le Pen, raha ny vokatra vonjimaika. Nisy fivoarana ny isan-jaton’ny vato azon’I Le Pen izay efa nifanandrina tamin’I Macron tamin’ny 2027 satria 66,10%-33,90% no azon’ny roa tonta tamin’izany. Raha 10 tapitrisa ny elanelam-bato tamin’izany, dia manodidina ny 5 tapitrisa tamin’ity. Ny 2012 moa izy no nirotsaka ho kandida voalohany, la nahazo 17,90% tsy nahafahany niatrika fiodinana faharoa. 28% ny tahan’ny tsy fahatogavana tamin’ity, izay nihoatra 2,5% mitaha ny tamin’ny 2017 (25,44%). Hangotraka kokoa ny fanoherana any Frantsa, ary sambany no nahazo salan’isa 41,8% izany ny hery ankavanana teo amin’ny tantara.Tamin’ny kabariny omaly, tsy naneho fiarahabana an’i Macron i Le Pen, ary naneho tamin’ny ampahan-teniny fa tsy hahavita na inona na inona amin’ny fanarenana ny fahapotehan’ny fireneny i Macron. Hanohy ny finiavako ho an’i Frantsa aho aho ary ny Frantsay miaraka amin’ny faharetana izay fantatrareo tsara, hoy izy. Nambaran’i Le Pen fa naneho ny fametrahana ny fifandanjan-kery (Contre-pouvoir) hanoherana an’i Macron ny Frantsay,… Atombontsika androany ny ady goavana ho an’ny fifidianana solombavambahoaka, hoy i Marine Le Pen. Ny 12 jona izao ny fifidianana depiote.
Toky R
 

Tia Tanindrazana

Samia mijoro ho an'i Gasikara.