Any Ivelany

Partagé sur :
• facebook

Nanapa-kevitra ny mbola hampiasa hatrany ny fonaj’I Guantanamo mba hihazonana ireo olona sokajiana ho mpanao asa fampiorohoroana ny filoha Amerikana Donald Trump; efa nomeny baiko momba izany ny minisitry ny fitsarana Jim Mattis ary efa voasonia ny didim-panjakana,

 hoy izy.Anisan’ireo mety hogadraina ao amin’ity fonja ity ireo olon’ny “Etat Islamique” azo babo nandritra ny ady tany Syria, mety hafindra any Guantanamo ihany koa ireo Islamista mampiorohoro an-jatony hazonina amina fonjamaromaro any Etazonia.Nieritreritra ny hanidy tanteraka an’I Guantanamo ny filoha Amerikana teo aloha Barack Obama, saingy ny mifanohitra tanteraka amin’izany no mitranga ankehitriny. 

Afghanistan

Nihetsika ny tany

Taorian’ny fipoahan’ny baomba dia nitrangana horohorontany indray tany avaratra atsinanan’i Afghanistan ny alarobia teo izay manana tanjaka 6,1 eo amin’ny mari-drefy Richter. Raha ny nambaran’ny sampana mpitsirika momba ny horohorontany Amerikanina dia tany Pakistan tao amin’ny tendrombohitr’i Hindu Kush manana halalina 191 kilometatra ny foibeny. Raha ny nambaran’ny mpitondra tenin’ny sampam-pirenena misahana ny loza voajanahary any dia tsy nisy ny traboina ao Afghanistan, fa noho ny fatahoran’ny olona hirodanan’ny trano no nivoahan’izy ireo. 

Herisetra sy fanolanana - Frantsa

Notanan’ny polisy i Tariq Ramdam

Notanan’ireo polisy mpanao famotorana vonjimaika any Parisy ilay mpahay momba an’ny silamo Soisa Tariq Ramadan mba ahafahana manadihady azy mahakasika ilay fitoriana momba ny fanolanana sy fanaovana herisetra. Vehivavy 2 no nametraka fitoriana tany amin’ny polisy nanomboka ny volana oktobra izay nilaza fa naholan’ity teratany Soisa ity ny taona 2009 sy 2012, ka nampiatsoana tao amin’ny polisy ity ary tonga tao ny alarobia teo

Tia Tanindrazana

Samia mijoro ho an'i Gasikara.