Any Ivelany

Fonja nikorontana tany Brezila Gadra 55 no maty nandritra ny roa andro

Any Ivelany
Alarobia 29 Mey 2019

Raikitra ny fifandonana tamin’ireo voafonja ao amin`ny fonja iray any avaratr'i Brezila. Ny fonjan`i Amazonas dia natao hitobian’ireo jiolahy voasokajy ho mahery fihetsika.

55 ireo gadra maty noho ny herisetra nisy. “Fanakendana sy fampiasana zava-maranitra toy ny borosy nify no nahafaty ireo gadra ireo", hoy ny Kolonely Marcos Vinicius Almeida. Ireo gadra maty voalohany dia novonoina nandritra ny ora famangiana tao amin'ny efitrano fivoriana ny alahady lasa teo, niisa 15. Ny alatsinainy, maherin`ny40 ny isan’ireo voafonja no hita faty tao amin`ny fonjan`i Amazonas. Mbola tombana io isa io fa mbola ahiana hihoatra. Araka ny vaovao voaray dia tsy nisy manampahefana nanao ny asany nandrava ny ady tamin’io. Nanazava ny tomponan’andraikitry ny fonja fa ny fidirana haingana nataon'ny polisy sy miaramila tao am-ponja no nampitsahatra ny ady nisy teo amin’ireo voafonja ary voafonja miisa 200 no tafavoaka tamin’ny voina.

Marigny A.