Any Ivelany

Fitrandrahana « Gaz » sy « Pétrole » Hanao fifanarahana ny Equato-Guinéen sy ny sinoa

Any Ivelany
Zoma 28 Jona 2019

Miketrika mafy hitrandraka « pétrole » sy « gaz » any Guinée Equatoriale ry zareo sinoa amin’izao fotoana izao, ary tena mifandray tanteraka ny tadin-dokanga eo amin’ny firenena roa tonta.

Hampahafantarina ny 2-3 jolay izao any Pékin amin’ny alalan’ny fikaonan-doha na « forum » goavana ny mahakasika ireo toeram-pitrandrahana lehibe miisa 27 na ireo « 27 blocs de pétrole et de gaz » ao anatin’ireo anaovana tolo-kevitra hahazo fahazoan-dalana mitrandraka ho an’ny taona 2019 na ny « licences EG Ronda ». Orinasa matanjaka sinoa maro misehatra amin’ny fitrandrahana harena ankibon’ny tany, gazy, solika no handray anjara amin’io fihaonana goavana any Pékin io, dia ny PowerChina Group, Sinochem, ENN Group, CCCC, CMEC, China Minmetals Corp, China Gas, Beijing Gas, Jincheng Anthracite Mining Group, PetroChina, Sinoenergy, CNOOC,…

Toky R