Any Ivelany

Fitrandrahana Fasimainty Naaton’ny fanjakana ny “Base Toliara”

Any Ivelany
Alakamisy 07 Novambra 2019

Tapaka nandritra ny filankevitry ny minisitra notanterahana omaly alarobia 06 novambra fa naato ny tetikasa sy ny serasera manodidina ny Base Toliara, na ilay fitrandrahana fasimainty nokasaina atao any Toliara.

Mitohy kosa ny fifampidinihana atao amin’ireo tompon’andraikitra ao anatin’io orinasa io.Noho ny olana miseho ateraky ny herisetra niseho sy ny tsy fifankahazoana eo amin’ny orinasa sy ny mponina any amin’ny toerana iasan’izy ireo, tsy mazava ny tombontsoan’ny fanjakana Malagasy rehefa tena nohalalinina ny ambaindain’ny fifanarahana voasonia tany aloha. Tsy mazava ny fifanarahana voafaritra tany aloha ka tsy hita intsony izay tena tombombarotra ho an’ny mponina sy ny fanjakana ary ny faritra ao anatin’izany, hoy ny fampitam-baovaon’ny filankevitry ny minisitra. Tsy mbola voafaritra mazava kosa anefa ny tetiandro amin’ny fifampidinihana na ny zavatra takian’ny fanjakana manoloana ny hoe “tsy mazava” tamin’ny fifanarahana natao tany aloha.

RTT