Any Ivelany

Fitaterana anabakabaka 100 miliara dolara no fatiantoka maneran-tany

Any Ivelany
Alarobia 26 Aogositra 2020

Nihena 4,6 miliara ny isan` mpandeha fiaramanidina hatramin` ny nisian` ny valanaretina “coronavirus” maneran-tany teo amin` ny seham-pitaterana anabakabaka araka ny tatitra navoakan` ny banky iraisam-pirenena.

Nitarika ny fikatonana ny famezivezena anabakabaka sy ny fikatoan` ny sisin-tany rehetra tokoa mantsy ny valanaretina ka mitentina 100 miliara dolara no fatiantoka ho an` ity seham-pitaterana ity maneran-tany izay miantraika mivantana amin` ireo mpandraharaha izany sy ny fanjakana. Araka izany, mila drafi-panarenana goavana ity sehatra ity ka ilaina ny fiaraha-mientan` ireo mpiara-miombon-antoka rehetra, ny fanjakana ary ireo mpandraharaha amin` izay sehatra izay. Ho an` i Madagasikara manokana dia misy ny volavolan-kevitra ho drafi-panarenana amin` izay ny fitaterana anabakabaka hivoaka atsy ho atsy.

Marigny A.